21/12

考完試喇頂!!!

一早起身就去考elec，份exam好少野，比3個鐘但係個半鐘就做完，之後就梗係早走啦

返房拾野同埋洗衫再休息陣，到兩點就同Perry and Sunny出旺角睇戲！睇4:45，之前去pizza hut食個tea吹陣水

由於Harry Potter又未上，King Kong Perry又約左人睇，我地又唔想睇如果愛，所以揀無可揀之下就走左去睇無極
開頭無咩期望，諗住打發時間等夜晚食飯，點知睇落又唔錯wor@@ d graphics好靚，再加上開頭打仗個part好震撼，所以我地好快就睇得好投入～之後謝lemon出場，發覺佢個角色係我幾鐘意個type既gag角 (喪喪地既低能仔)XD 仲有個好似邪流丸既"王" orz 又有張柏芝既半祼演出 (細細聲: 車~都無野睇)
值得去睇下呀呢套~

出到戲院個個都好滿足，因為有喜出望外既感覺   MB>>>>>>MC ！！
呢個時候Ron到岩岩到左，我地就跟Sunny行去大角咀食野，跟住行既我地一直都好驚蕩失路 orz 無驚無險去到一間大排檔，幾好食呀，不過鋪頭個嬸嬸好似唔gur我地咁XD
食完我地竟然決定一齊"行"去尖沙咀睇燈飾…..

一路行一路行，行到去佐敦同尖咀段路，發現兩條馬路中間d燈柱掛住左d生肖既燈飾，我地就開始估佢地係咩動物，由於佢地d樣個個都好似差唔多咁，係相機既幫助之下，我地好不容易終於認到哂d生肖._."
岩岩好就到左海傍

去到梗係周圍影相啦，不過真係好__凍，又大風，又多人，所以影既相都唔係好多，行左一陣星光大道同埋商場

最後玩到差唔多12點就返屋企

好滿足一日，咁先似係考完試嘛~