第一日返學

一早7點起身，食完早餐就出門口

如常搭74X + 91M，唔知點解好塞車，所以最後都係遲左到._."

響rm4333上ISMT263，響lift3(龜lift)到，姐係要行樓梯啦，又要早起，又要行樓梯，真係好似返中學咁

一上到去即刻拎份course outline黎睇，第一時間發現唔洗take attendance!!!!! 非常感動，不過我諗我都會上返幾堂，因為要做group project，識返d人先得

上完ISMT263就落2樓上ISMT223，失望地，呢個course有10% attendance分@@ 星期一，三dayoff既美夢幻滅 還好個prof講野幾好笑，又唔洗買書，無mid-term，仲要一個星期得一個lecture同一個lab，都算幾抵讀

由於係第一堂既關係，上左半個鐘走得，不過問題就出現喇，我地約左組仔7點re-U，不過上完堂個時只係早上10:30._." 之後無堂上

一直掙扎返唔返屋企時，一路又走左去atrium行行，因為係各大soc擺counter既時候，周圍搵下人吹水，又搵下d組仔，牛下牛下先牛到12點幾，最後都係頂唔順，返左屋企

返到屋企，屋企激亂，因為爸媽響到拾行李，勁眼訓，所以都係返房訓，一訓就訓左4粒鐘，超滿足，起身就要即刻換3出門口，去坑口re-U

勁勁勁勁勁勁感動，第一次re-U齊哂人，連組爸總共成16個人，實在太好了

去咩大排檔食，食得勁豪(我覺得)，又聖子，又大大隻蝦，又有成隻雞，夾夾埋埋10個"食送"，最後每位$100，真係除左同屋企人之外，未試過食到咁豪，奇怪係組仔女比$$都比得好爽快，仲諗住會有人會嫌貴，睇黎個個都係有錢仔女 @@

席上聽無助+焦慮症發作既oscar仔講佢既reg course問題，笑到我死 XDDD

之後又去食糖水，開頭由肥steve(組爸之一)叫左碗奇奇怪怪既西瓜芝麻糊+豆腐花，拎左舊西瓜黎試，一咬落去，咇返d芝麻糊出黎@@(請自行想像)，好難頂XDDD 之後大家亂咁撈d糖水，狂"不"自己d糖水人地個碗到，痴哂線，我碗合桃露多左d果肉，芝麻糊同豆腐花 @@

最後大家合力整左一下碗"終極糖水"，猜輸左要食

猜得勁肉緊

好彩最後無猜輸，逃過大難XDDDD

玩完住hall既就返UST，我同肥steve唔想走住，就叫淫將車我地去鑽石山行行
三個麻甩佬打打街機，吹吹水，不錯不錯

散之後就坐淫將車返屋企，直接返到屋企樓下@@ 又係感動，咁大個仔第一次搭朋友車 @@