19/8

阿媽阿妹去旅行，老豆返夜，成間屋就係我架喇

即刻叫班3B佬黎開P~~~~ 今日真係幾齊人，數下先，有狗，林健，ａ健，諾，立喬，汝冠，春佬，而家正值各U  ocamp高峰期，仲可以咁多人真係正

兩點幾到佢地就買哂野飲同薯片上到黎~

例牌既Winning大會，又係玩返"一人控一個計分制"玩法，今次仲激，4個要out走兩個，又唔比要屈分既後衛，另大家既打法進一步自私，簡直係人性大披露 XDDD

如果自己射唔入波，你會聽到隊友大聲叫好

如果隊波領先緊，你會聽到未入波既隊友大聲為對方打氣，希望有加時可以搶分

記住我地係用同一隊波對電腦 XDD

真係有幾下笑到禁唔到制

玩到咁上下，就要叫野食，今次係叫pizza box，外賣自取pizza意粉都半價，叫左四個批 + 四個意粉n飯，連埋的士錢除返埋每個都係$40到，真係不合理地平，正宗抵食夾大件！自此成為我地開P既指定食物供應商XDD

之後夾錢先知道我係唔洗比，原來呢日係定左係我既生日會 真係夠哂驚喜，是關正日好多人去o camp，所以趁多人黎到就開左先，實在太應謝大家 T.T

食完就岩岩到睇波時間！今日係英超開鑼日，梗係要一齊睇下波啦，一連睇哂兩場，戰果冷味十足，又幾合我意XDDD

睇到12點幾就散會，咁就開開心心玩左一日~ 非常非常開心既生日會

O camp回來，怒訓15個鐘

如願已償，有一班好玩既組仔組女！

有推理王加mc王兼力王Jolin(男)
有荒淫……呀唔係…….係好玩既二人組Oscar同Anthony
有40寸大咪咪兼camp草既肥豪
有靚女camp花Cristine
有似spy似到比人con，仲有響LG5公然摟con既Eric
又有勁似freshman似到最後都無人知係spy既Christy
有好玩得，財神爺CPEG人阿榮
有好靜，但係一幅killer相既小羊
有都係好靜，不過都肯玩既ceci

我地財神有野say
你地成班咸濕lay
個個輸到無"訂喱"
左屈機，右屈機
我地實行屈哂機！

woo~~~屈機

今日敗給了天氣

今日是大日子，係要同從美國返黎既阿揚打波，佢聽日就走lu (其實佢返左黎成兩個月._." 唔知點解搞到好似好趕咁，某高佬既錯 )

三點鐘到達沙田源禾路，不過得rocky一個到左._." 再由rocky口中得知，原來改左時間，係四點! 早知就唔洗剪完頭髮之後差唔多跑既速度去火車站._."

去左都無辨法，唯有射陣波，等呀等，傑同Jason終於到，不過主角揚同亨利都未黎

2 vs 2，不過打左陣就上氣唔接下氣，事關個度實左太焗喇，又話打風，一d風都無 好似抖唔到氣咁，每吸一啖氣都狂咳，所以我都係唔打住，再打落去我怕會猝死，真係未試到打波打到就快暈咁._."

事後去呻鼻涕，發覺呻左大量既黑色既塵出黎 唔怪得抖唔到氣，自問體能唔係好，但未至於拍兩下波就無氣咁差

唔至我一個有事，打打下傑，揚都話條氣管唔舒服，我早左有事可能係因為我早到一個鐘，肺部已大量積塵所致 XDDD

最後人齊後，終於有返d風，條氣順返d，終於可以打下波._."

之後發生左一件"搞笑但慘不忍睹"既事，話說我地同街外人鬥波，我mark緊一個人(著parker波衫)，佢剷籃，之後勤力既隊友rocky從後補位，一野撞落parker到，之後rocky驚parker拗柴，所以抱住parker，點知衝力太大，rocky就好似街霸既蘇聯佬出超必咁，抱住parker淩空轉左一個圈，之後parker先跌落地，rocky"再報上"一擊，壓左落去parker到，之後就聽到parker係地上慘叫，響地下摸住個美龍骨典黎典去，最後打唔到波，要搵人頂上…….

自此rocky贏得"殺人北極熊"既美譽 XDDDDD

打到七點走，之後去附近既皇城打邊爐，雖然d野食又黎得慢，又唔係好食，但係平就得，又有汽水庶水任飲

食到11:00到就走lu

今日實在高興，見返好多好耐無見既朋友，大家都係恒商宿舍既快樂玩伴，我認為人生中最開心既時間之一既F.7 study leave，就係同佢地一齊玩 可惜既係馬騮，kenneth，martin，同黃hon(?)無時間黎，唔係既話就更好喇

返屋企途中發生左小插曲，可記得我響本日記開頭寫左句"今日敗給了天氣"?當然唔至下午焗到暈咁簡單

11:30到返到太和，如常咁行返屋企，行到岩岩一半，突然個天轟左一聲，就落起大雨黎(似曾相識嗎XDDD)，仲要係超大個隻，因為我今日出門口個陣仲係陽光普照，咁自然係無帶傘啦，個時已經行到一半，無理由行返轉頭搭車，唯有咬緊牙關狂跑返屋企._." 愈跑佢落得愈大，d雷愈來愈大聲，響面前個不斷狂閃@@ 真係嚇死咁濟

搵到屋企就係濕到阿媽都唔認得

(首尾呼應)今天很愉快，卻敗給了天氣

今日比阿媽同阿妹狂笑

事源今朝8:30，阿媽入我房拎野，之後我響半睡半醒既情況下見到阿媽，無啦啦就問佢：

我：而家……zzz….而家幾多點?

媽：而家8點半

我：zzzz…..姐係咩呀?

媽：姐係8點半law

我：8點半姐係幾多點…zzzzzz?

媽：咩呀 姐係8點30分law

我：8點30分姐係幾多點呀….?

媽： 8點半law!!!!!

我：8點半?.?………….姐係幾多點…..?

媽： 姐係8點35分呀….

我：哦…..(立即再度入睡)

救命XDDD actually我阿媽話比我知我先知有段咁既對話._."

完全無印象@@

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

買左NDSL

不過今日唔小心食左一啖變壞左既隔夜炒飯@@
肚痾中…

大暑呀大暑，熱到人都癲

今朝水train._." 嚴重缺睡，點都訓唔著

最後訓左個零鐘就要出門口，不過出到去大埔墟又太早，所以四周圍去報紙攤睇下有無PLUTO第二期

搵下搵下，比我響個不知名報攤搵到本斷哂時既第一期，真係好運到飛起XDDD

又係浦澤直樹作品，同Monster同二十世紀少年一樣，一貫既懸疑故事，有令人追看下去既魔力! 希望佢可以出快d~

之後就搭車，今日去西貢既人異常地多，平時我等92多數得2,3個人排隊，今日去到排長龍 還好我等個個站都總算係頭一兩個站，都仲有位企，到下一個站就無得上lu

乘車途中有小插曲，話說架車好多人，有個中年男人企左響上層，司機即刻開咪話要佢落返黎，點知佢唔肯，搞到司機要停車行上去叫佢落黎，點知司機返埋位之後，條PK死要面又行返上去，之後司機再開咪叫，佢又唔落黎，最後就無理佢

有時真係唔明d愛面子既人用咩__黎諗野，人地司機都係為你安全著想姐，硬係要當人落你面，到頭來比人笑on__個個又咪係自己._." 個刻真係好想佢PK，唔怕你話我黑心

準時到達~ 曬到hihi呀真係，搽幾多太陽油到無用啦，最後都係曬傷哂

晚上就是精力充沛，咁早上就係力不從心，手軟腳軟的._."

今次扒左去三星灣到游水 不過個攤就真係麻麻地，成個海面都係樹枝同埋垃圾，d沙又粗，真係XXXX (諗唔到term，水清沙幼既相反詞XDDD)

不過最失敗係自己無帶眼鏡

回程上埋龍已經點幾鐘，趕唔切同表弟補習，所以返左屋企訓覺

我也來貼貼timetable~

之後一定要add course喇，得11個credit =.="

仍然係擺脫唔到9點堂既命運

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

下午時候屋企人返左大陸食野，所以就自己出大中走走

先去銀行辦點手續，之後就去手機鋪頭買耳筒(舊的壞了)

買完諗住去買NDSL，不過大埔好似無鋪頭可以改機，所以都係遲d先出其他地方買~

其實係有一間鋪頭有得改的，不過個間係"春哥"既鋪頭=.=" 全世界最不可信既鋪頭=,=" 隨時佢個d NDSL係用NDS換左個殼就拎出黎賣@@

(春哥名句：張save card插唔到既話我比個____你插！ )

行下行下又返左太和，因為要去商務幫補習學生買補充，好不容易先去到個書架到揀，事關有一大班師奶努力咁買暑期作業比自己既仔女做._." 個個都一疊疊咁買，做死人咩._."

之後諗住去大家樂買個tea返屋企食，呢個時候竟然撞到岩岩響大陸返黎既屋企人們 太好了，tea $$同車$$ 都慳返XDDDDD (我是敗家XDDDD)

夜晚8點去MST踢波~~終於無落雨 T.T 好似係第一次約夜晚踢波._."

晚上就是精力充沛 為左慳返車錢，響屋企跑去球場

都算幾多人，有9個，仲有兩隊街外隊，跟隊踢波先過癮 不過其中一隊，好似得細我地好多，我諗form4 到，好__勁，一黎連嬴兩場，不過到第三場終於輸左

最搞笑係佢地輸左就即刻走._." 唉~ 時下既年青人就係輸唔起XDDD
(定係嫌我地太爛口XDDDD)

唔理佢地，繼續踢，踢到10:30就熄燈lu~

之後去同狗爺同林健搵野食，搵到好野！簡直係發現新大陸，椒鹽豬扒飯+罐裝汽水都係$20咋@@ 仲要ok好食

有機會下次試下其他飯~

話說今日要上summer course…..

一起身食個lunch，之後睇個鐘，發覺仲有一個鐘先要出門口

所以心血來潮拎左隻買左好耐既eason GET A LIFE演唱會出黎，”諗住”睇一隻碟(有三隻)

出事~ 太正啦實在，無可能唔睇落去，決定走堂 XDDD

開開心心同阿妹一齊睇完個演唱會之後，又一齊玩一個新DL既玩意(不過我諗其實出左好耐)，係一個叫MSN Cartoon既software，可以將d人既相uplaod上去，之後佢會用個個人整一張卡通相出黎

好好玩~ 雖則唔係幾似

這是我：

正經樣

扁嘴

嬲爆爆

好，玩到咁上下就返UST land train

依舊累到痴，今日跑圈仲要唔合格，要跑多個，so shit

train到死下死下，完左之後又痴mainland踢波，不過真係散散地，拎第一腳波已經抽筋 XDDD 不過都死頂落去，好彩mainland借左兩個勁人比我地，所以踢落都幾輕鬆~

踢到9點幾就返屋企~

懶了XD 而家先打返xanga XD

15/7 – 16/7

出尖咀食飯，有我，傑，Rita，Ringo，Wendy同怡

又係響悠悠食，cheap version(價錢上)既和民

席上都係聽由南京遊玩(?)返黎既阿傑講佢遊歷過程，笑死

同埋好似真係好好玩，得我下年有機會到去下先

月尾仲要去camp啊~

食到11:30，阿怡先走，我地就去唱通K，poly superstar 肥Ken都出左黎

不過都唔係點唱，因為要吹水(某程度上係聽人唱水)，不錯不錯

但係點解會咁貴orz  之後再去食早餐 in a 黑店

食完就散~ 返去仲諗住踢波，不過見個天落大雨就訓左

(據報其實有3個人去左球場orz，其他人渣(包括我)見落雨就唔去XDDD)

訓到點幾阿蕭打黎話去狗爺屋企打機同玩輪抽，所以即刻食個lunch又走出去

幾好，又有得玩~

玩到8點到同狗爺同林健落大家樂据扒，因為比香蕉船所吸引，不過去到竟然賣哂

死死氣都要食，完全受騙orz  個鐵板勁虧，淋d汁落去個時竟然無"吱吱"聲，毫無激情，唔熱既，仲加一個唔熟既焗薯 orz

oh my $40 ~~~

最dump心係當我地食完走個陣，再睇menu，發覺香蕉船再度供應

好野呀真係……..

科大果然係一個令我變蠢既地方

今日返去take course，腦袋完全不能運轉._."

今日十粒膠滿分我比自己九粒 =.="

剩返個粒因為返黎做左15mins既marketing exp.賺左$50所以扣左

夜晚水train，得6個人._."

又係行雷閃電，好彩前排有送父親節禮物比老豆，又成日陪老豆睇世界盃，所以逃過大難 XD

之後去久違既彩虹茶餐廳食飯，保持水準，都係咁好食

使用 WordPress.com 設計專業網站
立即開始使用