通K睇波團

有我，呂，狗，林健，A健，響港晶neway唱

ok抵wor，有buffet，仲要係8:00p.m.~6:00a.m.，十個鐘，又有2杯野飲都係$117

由於睇波先係主菜，所以唱K部份都係是是但但，有時點下歌黎聽，不過最正係一齊扮trimmy唱歌(唱纏綿遊戲個個阿差)，笑到死咁濟 XDDDDD

“或根本我未看’臭’~~~~" XDDDDDDDDDDDD

講返睇波，今日支持個兩隊齊齊出局 奠 厄瓜多爾 and 荷蘭

不過成班人睇波+吹廢水真係幾激同過癮

睇完繼續唱到佢收工，之後4個太和人就去大家樂食早餐，又再講下中學時代既搞笑野，真係講幾多次笑幾多次

吹到8點幾先返屋企訓~

orz無聊之作orz

談談家中最懶與最活潑既生物

先說最懶，竟然不是我，是豆豆 XD

大白天就在睡 orz

用被包住佢，一於少理，繼續訓

由於佢既"合作"，d 相一take過搞掂 XD

最活潑就係BB @@

精神奕奕坐起身 (紅圈就係熟睡既豆豆，強烈對比 orz)

站起來搶網球 @@

太活躍既關係，影左十幾張先得兩張係影得清清楚楚 orz

一個訓訓and訓，一個玩玩and玩，無憂無慮的生活真好 (爛爛的結尾 XDDDD)

今日好happy + 大出血 !!!!

作為Valkyrie Profile既忠實fans，等下又一年，等下又一年，足足等左七年，佢終於肯出續集 @.@

太興奮，太愛呢隻game既關係，今次破例買正版 !! 自己一個走出熱線買，點知去到見到隻game之餘，仲有靚靚save card + 畫集 ._." square enix你係得既，今次就比係呃一次錢 @@ 實在太吸引喇 (曾經想買特別版，不過已經炒到$2xxx orz)

之後就山長水遠返去UST，因為龍舟有land train～
好少人，得7個人，由於好耐未做過運動，而且日日睇世界盃捱到個人長期瘟瘟地，所以今日真係好辛苦 @@ 跑8個圈已經有想死既感覺，之後d programme都做到暈暈地 orz

咁落去唔係辦法，睇黎要去梅樹坑到跑下步同埋特訓一下 ._."

話說不久前剪左個__頭orz


今日終於忍唔住去搞搞佢，去到髮型屋又心血來潮想染下髮._." 見暑期流流長嘛


好啦，佢地比d colour我揀，因為上次揀左隻睇落好啡，但係染完好似無染既色，所以今次揀左隻仲淺色的試試


染完發覺出左事orz 個頭好金 仲要有少少highlihgt orz


我正式加入潮童呂既行列，成為了潮童喇

好像破了"連續唔update xanga日數"既記錄

無辨法，呢排都係比世界盃同補習occupy哂

日日都補習，因為佢地考試，而且其中一個靚仔響屋企唔肯溫書，佢阿媽日日都丟佢黎我度溫(奇怪佢唔知點解聽我話)，仲要咩科都溫，science，geog，中文咩都溫，老實講，我都唔係太識._."　所以一路睇textbook一路學一路教，希望佢明白._."

今日就好hea喇，話說朝早個靚仔阿媽打黎嘈醒我，話(略帶燥火)："阿浩南呀，我個仔佢識個d野ga，但係佢唔肯串字，好似commercial呀，industrial呀，問佢知係咩但係佢唔識串字law，我陣間叫佢黎呀…….."

其實佢阿媽既學術水平都幾高，就係佢個仔硬係唔聽佢話，我諗係佢個仔受軟唔受硬掛，就係咁，今日我用左個半鐘黎同佢串字=.=" 真係唔好意思收人正價

其實壓力都幾大，我而家都幾擔心佢地考得唔好
不過都唔出奇，因為佢兩個都係因為體育好先入到名校(一個男拔，一個喇沙)，所以佢地係完全跟唔上的orz

補完之後成家就出街食飯，父親節嘛，因為響補習到搵到少少錢，所以今晚我請，今晚d餐廳四周圍都無位，所以只可以食KFC ._." $128既4人餐XDD 發覺咱家食野既速度真係奇快，15 mins就幾成個餐食到一樣野都無剩

最後又係返屋企睇波orz

琴日又係喪睇世界盃

睇足三場，睇到5點幾@@

好多神秘球隊，好似千里達同科特迪瓦咁，睇千里達個場真係印象好深，雖然佢地既球迷知道自己球隊實力係差d，不過成場都好開心咁跳舞，唱歌，真係好好玩

我諗有咁既球迷支持，球員一定踢得開心又落力，最後千里達成功迫和對手，球員同球迷都好似嬴左波咁開心，拎住支國旗跑黎跑去

呢d就係真正既快樂足球

睇到5點，訓返陣就去MST踢波，不過起床失敗，10點先比春佬既電話嘈醒，即刻出門口

今日天氣好到死，無太陽又無落雨，fit哂，又齊人可以分三隊咁多 ~

不過自己既運氣就差左d，猜打龍例猜輸，踢咁多場都好似未試過猜贏._."

anyway都踢得好盡興，踢到兩點幾，腳到軟哂先走

返到屋企又要補習，去唔到winning大會orz，黎緊成個week每日都補._."

夜晚睇波啦梗係，有我今年熱捧既荷蘭~~ 著定橙色Tee潮撐橙衣軍團

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

最近同扭蛋市場脫節既我去左大埔新開既扭蛋專門店，見到一套叫做顏文字既扭蛋，幾過癮XD (不過應該出左好耐)，遲d去扭多幾粒先~

家中既網路極不穩定orz，又訓唔著，唯有offline打下xanga，當大家見到呢篇xanga，姐係我家既網路回復正常 (好爛@@) 唔該快d好返，我聽日仲要睇NBA架大佬

個個有線NBATV真係食屎，連NBA Final都無得播，叫咩NBATV orz

 仲有我特有既"每逢長假都會病"既病症又發作._." 不過唔緊要，我有既係養病時間，波照踢，戲照睇

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

 今日ok充實wor

 朝早去MST踢波，成個月無踢喇頂，雖然個地濕濕地，不過唔落雨已經好好，仲要岩岩齊十個人~~ 踢左成朝，爽爆

 晏晝返去同人補習，輕輕鬆鬆的

 補完換個衫就趕出去沙田UA同3B哥兒們睇X-men~ 好耐未睇過戲，睇8點

有時睇下呢d唔洗點諗野既戲都幾好XDD 打打殺殺，有忠有奸，幾易就投入到

 不過素來對角色既樣貌都幾著重，今次夾硬搵女睇，我覺得有穿牆能力個個女仔幾得意XDD

 唯一唔好就係後面坐左幾個細路，睇唔明字幕，句句都要問媽咪，煩死

 睇完之後返大埔食野，食扒王，吹吹水，幾好幾好~

 咁先係放假的生活XDD (
<—思想上毫無長進XDD)

 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

 不過而家d天氣真係好討厭，又濕又熱，真係燥底 ._.”

 搵日都係剪返個清爽頭，as清爽 as I can ~~~

今鋪HIHI喇

再次證明遇到個好grade既prof.勝過溫十幾日書

滿以為可以靠marketing拉返高個CGA，點知今日check grade，個group project marketing plan得C- overall 由expect既B變左做C，__，洗唔洗kill得咁應呀，期待鬼仔再用神力appeal個好grade啦

有無人知幾多分會無major揀 @@，我而家開始驚 XD

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

仲有，無心機update返之前諗落既野啦，由得佢啦XDDD

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

呢呢呢~哦呢哦呢哦呢

世界盃聽日開鑼

朝早仲有NBA Final睇~~~ “熱"鬥"小馬"

熱血沸騰起來了 @@@@@@@@@

黑仔日

今朝要水train..

如常響training前個半鐘出門(8:30)，如常用半個鐘慢慢行去巴士站，到達巴士站(9:00)，排隊……..車到喇，開袋拎銀包…………大XXXXXXX鑊 無帶._."

大喊一聲shit後，就要急急腳行返屋企，呢個時候，根據劇情發展，突然落大雨=.=" 無帶傘，又無$$搭車，焗住要淋雨

返屋企拎返個銀包，換返套乾衫，再拎把傘又出過去，根據劇情發展，當然要停雨啦，搭小巴出巴士站，出到吐露港又塞車._."

……唔……唔…….去到白沙灣已經係10:30，遲左半粒鐘…….好喇，落龍，點知咁岩撞正今日阿sir好似好燥，比佢鬧死@@ 好日都唔遲一次到呀我呢排 @@

曾經想解釋一下，不過諗下諗下都係算，個理由好似係到響到狡辯gum，再姐個理由都唔算充分，講到底都係自己on9 XD

算喇算喇，以今日既運氣，無比雷劈死已經算執到

train完返hall搬野返屋企，執死人 ._."

使用 WordPress.com 設計專業網站
立即開始使用