so good!

捱左成個禮拜終於到星期五，上完十二點finance tutorial之後就返屋企

難得返到屋企可以輕鬆下，同我家小妹一齊做左個實驗

有見近期家中小狗BB經常無故發惡，所以我地要搵出佢發惡既時機._."

實驗人：我，妹n媽      實驗品：BB

 

situation 1：妹妹抱住BB on梳化

我摸BB個頭—–>立即發惡 -皿-

媽摸BB個頭—–>低頭默不作聲 ._."

 

situation 2：我抱住BB on梳化

妹摸BB個頭—–>立即發惡 -皿-

媽摸BB個頭—–>低頭默不作聲 ._."

 

situation 3：媽抱住BB on梳化

我摸BB個頭—–>低頭默不作聲 ._."

妹摸BB個頭—–>低頭默不作聲 ._."

 

situation 4：放BB落地

我摸BB個頭—–>興奮地玩耍 XD

妹摸BB個頭—–>興奮地玩耍 XD

媽摸BB個頭—–>低頭默不作聲 ._."

 

簡單實驗得出既result係：

1. BB極怕媽媽 BBrz

2. BB是白痴 ._."

 

在家relax is so exciting~

亂記一通時間 ._."

1.　必理痛傷風感冒丸的夜用裝很好用，服後立即可以大睡一場

2.　夜用裝._."感覺好像些什麼的巾似的

3.　現在也要吃，明天也是9點堂orz　

4.　為何有人可以何時何地都可以立即呼呼大睡?他們的腦長草的嗎?

5.　can’t help sleeping in lessons in the morning

6.　洗衣服的次數頻密了，因為夜間龍舟訓練的關係

7.　凍死了

8.　也窮死了，$716 team fee，can’t help crying when paying the $$

9.　還好soc jacket蠻好看的

10.  各soc為宣傳大派贈品，有薯片，又有咖啡，file等

11.  個人認為最管用的是vinda維達紙巾._."

12.  命硬是一首好歌

13.  為什麼? 我們房中的天才昨天突然唱起 “兩百年再一起～"

14. 他也知道誰是hocc，更知道她有勞斯．箂斯這首歌orz

15.  原來天才很潮的

16.  有一個家是好事，猶其是很潮的家

17.  不過為何我會是媽媽? 哪有媽媽這麼帥!? (XD)

今日同ex-langmates飲茶~

吹了不少水，無咩堂一齊上._."

夜晚同龍舟佬去教練屋企拜年XD

成晚聽阿sir講故，好搞笑+獲益良多!

之後11點由太古城搭車返大埔，大半成程都係得自己一個

胡思亂想period XD

30/1

今日約酒肉出旺角睇戲，有我，春佬，Rita，Ringo and Wendy，難得個個都算幾準時~

 

原先諗住睇4:50既魔幻王國，不過去到買飛發覺9:50先有位，所以要得到個時先有得睇

 

買完飛之後響旺角四周圍行，我同春佬變了跟班XD

 

行到5:00到話去食tea，走左去就近既pizza hut食，上到去方知中計，原來假期無下午茶食，唯有叫多d野當晚飯食

斯斯文文咁食完之後，再坐到7:00就走

 

之後去影貼紙相，比部扮哂高科技機呃左，自動升簾同會郁既屏幕orz 影出黎d相…….._.”

不過都有d搞笑野，話說有個女仔無啦啦響貼紙相鋪同d frd講：

 

“哎呀，我流M呀”

 

好大聲，之後週圍個個既目光都去左一點XD

 

由於d相太差，所以大家決定再影過，走左去新之城，又影……..不過都係影得幾差下orz 眾人so灰………

 

灰灰既眾人走去許留山食糖水，食完坐響到等睇戲

 

終於入到場睇呢個魔幻王國，比預期中差

故事太易估，最緊要個4個細路真係好樣X，起碼搵d順眼，猶其係個家姐=.=”

反而個女皇就幾型，出招出到好似三國無雙咁XD

 

1/2

睇完都12點幾，正考慮有無車返屋企個陣，最後都係把心一橫玩通頂XD

謝謝有人陪我癲XD

 

春佬n Rita先走，剩下3人留低四圍行，最後都係要通宵K orz

短記：

1.      果盤勁呃$$

2.      係咁唱twins orz

3.      一個人的精彩中既hocc型死

4.      命硬唔係人唱的

5.      唱完男孩像你個人會升keyXD

 

唱到5:45就cut，大把歌未唱orz 之後諗住去食早餐，不過突然大佬來襲，去左朗豪坊去廁所，熄哂燈，都幾驚下XD

 

之後時間尚早，仲得閒到送佢地兩個返荃灣個頭._.”

 

去到荃灣wendy帶我去搭亡命，3個字去到彩虹，唔合邏輯地快._.” 　去到彩虹發覺好多人等小巴orz 最後逃唔過遲到既命運XD

 

講講下原本已經spring sem =.=”

又係短記既時候：

1.        新的lang sir很有趣

2.        lecture room比library，甚至hall更好訓XD

3.        個個classmates都好似無見過，要重新識人

4.        個個professor都係鬼佬

5.        再一次證實我討厭上學

 

上哂堂之後淫將話要吹水，因為佢要等開會orz 就走左去cafe吹，耐無見，都幾多野講，到6點終於有得返屋企

 

返到去食完飯就訓天光~

早知今日搵酒肉出黎食飯orz
本身諗住用呢日黎養病，點知成日都響街._."

一早起身先醒起要返深圳拜山orz
過關個時不知幾想個探熱個部機話我發燒
之後將我強制遣返

不過最後都係過到關orz
算啦，都係好少返去拜公公
上山落山，又燒下元寶就走
之後成班親戚去飲茶
最後搞到3點先返到屋企

正想大睡之際，阿媽又叫我同阿妹過年前去剪個頭髮orz
又算啦，就開學，都係時候剪喇
剪剪剪，經過髮型師姐姐一番講解，決定下次留長頭髮去電._."
女孩子講野係有說服力d XDXDXD

剪完阿爸又打黎話去酒樓食飯orz
都算啦，橫掂都出左去
係咁食，食完終於可以返屋企

返到屋企發覺人精神了，出去走一轉d烏氣走哂?
睇黎我可能唔係比阿妹傳染，係響屋企"牛"太耐"牛"到成身菌orz

我心愛的曼聯得到一場重要既勝利

心情極為興奮~~

睇波果然係男子既浪漫XD

無啦啦心情勁靚 

補貼的圖

多麼的有heart!!

曼聯隊長加利尼維爾表示他難以相信被人批評他在週日的慶祝方式是針對利物浦球迷。

曼聯在最後補時才入球以一比零擊敗利物浦，加利尼維爾承認他有數秒時間瘋狂了起來。

當李奧費迪南接應傑斯的罰球傳中頂入後，該名曼聯隊長即回身跑了六十多碼，跑到作客球迷的一方激動地拿起球衣上的會徽在空中怒哮。而此舉則受到利物浦球迷的強烈批評，而足總並有可能因此而起訴他。

但該名三十歲的後防則表示，他此舉沒有不尊重對手球迷，並表示恐怕禁止太多慶祝的方式，會使足球變得像機械人的比賽。

「那麼我們入球後應該怎樣做﹖笑得甜甜的然後慢慢緩步行回自己的半場﹖」加利尼維爾說。

「這只是捉緊那一刻，是，有幾秒的確會令人瘋狂。當我聽到有人說我的行為不像一個三十歲的成年人，我便見笑了。這樣說的人可能是針對我們的同一班人，他們也欠缺了比賽的激情。」

「我沒有對利物浦或意圖對利物浦不尊重。如果我有看低其中一位利物浦球員，我一定會道歉，但我此舉只是慶祝入球。」

「在上星期，有一位利物浦人也在對曼城的打毗戰中嘲笑我們的球迷，但我也不覺得科拿需要被罰。這些事情就是足球的一少部份。這為何會有宿敵，宿敵就應該是這樣吧。」

「我也聽見有利物浦的球迷唱歌針對我，全部都不是味兒。而我則只是努力去以一個激動的慶祝入球方式去爭取反擊的機會。」

「現在好像愈來愈多人認為足球員要比白色更清純，少少的事情也要受到規限。他們是否想看機械人比賽﹖

18/1
今日係第一次龍舟夜晚既水train
program同朝早train好唔同，不過都係咁辛苦

今日隊長上哂位，出現唔少名句：
１.我而家叫係你地深划呀！唔該你地插深d，深夾長呀！(之後成條船都爆笑，龍舟果然係男子漢既活動XD)
２.唔該比3槃深水大划，同埋50槃勁力中划！(唔知點解覺得d term好搞笑)

不過佢最勁都係打沉大家既意志：
以下係佢講得最多個兩句
１.呢組做得唔靚，做到好為止，黎多50槃！
２.好喇，黎多最後50槃，同我比哂d力佢！(最多?)

扒到9點幾，唔可以返屋企住，要趕返大埔～因為今日係楝既生日

返到去佢地成班人原來響機鋪，玩緊百萬大作戰@@
聚集住一班黎至唔同介別，有為既大學生係到挑戰呢部機，最後……..都係上唔到榜，"X返你"計劃失敗._."

由於太累，隻手已經進入不舉壯態，所以都係睇人打機算
之後一時興起，猜輸左要同壽星仔楝一齊玩pala pala機，最後A健慘敗XD 佢地跳得太搞笑，成程已被我地用電話拍底XD

打完機，由於太夜，有d人要返早，所以剩返我，楝，林健，狗去左豆漿大王宵夜，其實係我既晚餐._."

豆漿大王d野食既份量認真浮誇，食左碗超勁既三寶面，佢地就食最大碗，$12既鮑魚魚肉翅XD

之後吹陣水就返屋企lu~

xxxxxxxxxxxxxxxxxxxxxxxxxxxxxxxxxxxxxxxxxxxxxxxxx

一起身就聽到一個shocking news
早說了，是不清不楚的~

每日每日都是9hea day~ 咁今日就係99個hea既一day了 ._."

今日同hea人呂四周圍hea @@ 行程係….

大中—–>大埔壚—–>旺角

兩個人各有目的，佢係買3同鞋，我係買ram同display card

去到MK……勁眼訓，有d行屍走肉feel，行兩步就死下死下咁，老矣~

最後各取half既所需，佢買左鞋，我買左ram，由於information不足，買唔到display card @.@

全程都係hea，買野買得hea，周圍行又hea，食野都係hea，吹d水仲仲hea，全是trash talk XD

from 903：trash talk，姐係廢話咁解

hea….hea….hea，由3:30hea到9:00，佢有佢搵U frds，我有我返屋企~

xxxxxxxxxxxxxxxxxxxxxxxxxxxxxxxxxxxxxxxxxxx

隨住大家既成績開始公佈，好多人會問成績…..

以下係2條唔識答既問題：

1. 你過唔過3呀?

2. 考得好唔好?

琴晚難得早訓~

今朝7點幾就起身，打左陣機，食埋早餐就去MST踢波……..準時到達，預左要等下人

狗先到，之後春佬同林健都到埋……..數下數下…….死喇，其實夠唔夠人踢波？連忙打比淫將，點知佢要開會@@ 中計XD 計埋遲黎既卓賢得5條PK，5條PK點鬥波？

無聊既我地射左一陣波，之後就返三育踢 (5個都係太和人)

去到發現有人踢波~點知係小學生=.=" 無聊既我地又要自己射波了，唔同既地方係個場大左d

射呀……射呀…….最於爆出一個爆笑場面XD

人物：

守門員：春佬      射門者：林健      老臨：我，狗同卓賢

在三育球場上，射門者林健小心奕奕將皮球放好在禁區前。他慢慢地向後退了幾步，之後，他深深地吸了一口氣，奮力地衝向皮球作出一記強力且帶曲墜的抽射！球兒如子彈般的快！

旁人眼看此球必入之際，守門員春佬此時作出一個橫身的飛撲！他心裡知道，就算抵上性命，也不可以讓這球破網！因為，他之前已經先後被單南，卓賢，甚至是狗爺踢破大門，若果這球再有失，他還能有面目站在足球場上？

所以，他拚盡了。

他那記橫身的撲球令人想起舒米高！龐大的身軀卻配合著徹底違反物理學的身手，整個龍門也好像被覆蓋著，球兒根本就沒有路可以打進大門。

”噗!!”

一聲巨響，春佬牢牢將皮球緊抱。

他沒有因能緊守大門而震臂歡呼，相反地，他倒下了。為什麼？難道他喜極而泣，不讓我們看他的臉？不是！

對了，還記得那記"噗"的巨響嗎？奇怪，春佬不是牢牢將皮球緊抱嗎？那不應該有那記"噗"的巨響啊！

有人放屁嗎？不是！是皮球爆了嗎？不是！

是袋爆了。

此時，眾人也倒地了，他們不是哀傷！這是一種尊敬！眾人不由自主做出跪拜動作，對能緊守尊嚴的男子漢作出最大的敬意。

我們四人見證了一件偉大的事。

就在三育球場的這個早上，一名男子漢為自己的尊嚴奮鬥過，不惜抵上自己的生命。他成功了，他堅守了自己的尊嚴！但卻斷送了過億的生命……

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

好，痴完線喇我XD

笑到我死咁濟呢件事

個時球場既情況係：(維持左at least 5mins)

xxxxxxxxxxxxxxxxxxxxxxxxxxxxxx

“＝口＝＿n

 

ＸＤ rz

ＸＤ rz      ＸＤ rz      ＸＤ rz   

xxxxxxxxxxxxxxxxxxxxxxxxxxxxx

自己對返D人啦~

好耐之後，春佬終於無事，之後既表現脫胎換骨，腳腳七注，射到個個守龍都嗌哂救命…….

踢到咁上下，去大家樂食左個呃$$既煲仔飯之後就返屋企lu~

琴日返UST去龍舟land train…..累死了@@　不過唔可以返hall訓，因為要返大埔食野

11點準時抵達潮和興……等呀等……15分鐘之後淫將到達，再過多唔知幾耐呂同狗濤終於出現~噢噢，係久違既四人組合._."

１，２，３，ｙｅｓ！XD

坐得即刻叫野食，餓到暈咁濟，之後就吹水，報告大家既近況，再討論一下大學裏面令人沮喪既事同埋人，得出既結論係：

如果要交幾萬銀係為左讀書，咁不如買幾本參考書去自修室摺埋，效果應該差唔多

enjoy your U life! 雖然我都未做到……

吹到1點幾，準備散之際，呂突然拎出一樣好到不得了既野！到左是日既高潮所在！

就係呢個晚上，成個大埔壚既seven就比我地四個攻陷！最後我地每人拎住一樽starbucks既咖啡，乾杯慶祝今晚既成功XD

好滿足的一晚~